سنگاپور: (رائیٹ ناوٴ نیوز) میٹا نے سنگاپور میں قائم اے آئی کمپنی ‘مینس’ خریدنے کا اعلان کیا ہے تاکہ مصنوعی ذہانت کی جدید صلاحیتوں کو مضبوط بنایا جا سکے۔ میٹا نے اس اقدام کو ٹیک انڈسٹری میں بڑھتے ہوئے مقابلے کے پیش نظر اپنی اے آئی سرمایہ کاری کی تیز رفتاری کو ظاہر کرنے کا ذریعہ قرار دیا ہے۔ مینس کمپنی مارکیٹ تجزیہ، کوڈنگ اور ڈیٹا اینالیسس جیسے کاموں میں ماہر ہے اور اس نے حال ہی میں 125 ملین ڈالر کی سالانہ آمدنی کا ریکارڈ قائم کیا ہے۔

معاہدے کی مالی شرائط ظاہر نہیں کی گئیں، تاہم میٹا مینس کی سروس کو چلائے گی اور اپنی مصنوعات میں شامل کرے گی۔ مینس، جو پہلے بیجنگ کی ‘بٹرفلائی ایفیکٹ ٹیکنالوجی’ کا حصہ تھی، نے چین سے سنگاپور منتقل ہو کر جیو پولیٹیکل خطرات سے بچنے کی کوشش کی اور اب چین سے مکمل علیحدگی اختیار کر لے گی۔

میٹا نے پہلے بھی اسکیل اے آئی میں 29 بلین ڈالر کی سرمایہ کاری کی تھی تاکہ اے آئی کی ترقی کو تیز کیا جا سکے۔ میٹا کی اس نئی خریداری سے صارفین کی بڑی تعداد تک رسائی اور فوری اے آئی بزنس فوائد کی توقع کی جا رہی ہے۔