ٹوکیو: (رائیٹ ناوٴ نیوز) جاپان کے صوبہ ایبارا کی کے حکام نے شیروساتو میں برڈ فلو کے کیس کی تصدیق کے بعد لاکھوں مرغیوں کو تلف کرنے کا فیصلہ کیا ہے۔ یہ کیس اس سیزن کا ملک بھر میں دسواں کیس ہے۔

حکام کے مطابق متاثرہ فارم پر انڈے دینے والی 9 لاکھ 70 ہزار مرغیاں تلف کی جائیں گی، جو اس سیزن میں اب تک کی سب سے بڑی کارروائی ہے۔

اس تازہ کیس کے بعد جاپان میں تلف کی جانے والی مرغیوں کی مجموعی تعداد 36 لاکھ 50 ہزار ہو جائے گی۔ برڈ فلو کا پہلا کیس 22 اکتوبر کو ہوکائیڈو میں رپورٹ ہوا تھا۔