بیونس آئرس: (رائیٹ ناوٴ نیوز) انٹر میامی کے اسٹار فٹبالر لیونل میسی کو کینیڈین جریدے لی ژورنال ڈی کیوبیک نے اکیسویں صدی کا بہترین ایتھلیٹ قرار دیا ہے۔

اس رینکنگ میں میسی نے اپنے روایتی حریف کرسٹیانو رونالڈو سمیت این ایف ایل لیجنڈ ٹام بریڈی اور دیگر بڑے عالمی سپورٹس سٹارز کو پیچھے چھوڑ دیا۔

فہرست میں 25 بااثر ترین ایتھلیٹس شامل ہیں، جنہیں ان کی غیر معمولی کامیابیوں اور اعزازات کی بنیاد پر منتخب کیا گیا ہے۔ ٹام بریڈی دوسرے اور مائیکل فیلپس تیسرے نمبر پر ہیں۔

کرسٹیانو رونالڈو دسویں نمبر پر رہے جبکہ سرینا ولیمز، یوسین بولٹ اور لیبرون جیمز جیسے کھلاڑی بھی فہرست میں شامل ہیں۔