پشاور: (رائیٹ ناوٴ نیوز) لیڈی ریڈنگ اسپتال انتظامیہ نے وزیراعلیٰ خیبر پختونخوا سہیل آفریدی کے احکامات پر عمل درآمد نہیں کیا۔ ایک ہفتہ گزرنے کے باوجود اسپتال انتظامیہ نے کسی بھی آفیسر کے خلاف کارروائی نہیں کی۔

وزیراعلیٰ سہیل آفریدی نے لیڈی ریڈنگ اسپتال کے دورے کے دوران خراب کارکردگی پر اسپتال ڈائریکٹر کو ہٹانے کا حکم دیا تھا۔ محکمہ صحت نے مراسلے کے ذریعے اسپتال ڈائریکٹر اور پیڈز ایمرجنسی انچارج کو معطل کرنے کی ہدایت کی تھی۔

مراسلے میں اسپتال کی ناقص کارکردگی پر تشویش کا اظہار کیا گیا تھا اور کہا گیا تھا کہ یہ صوبے اور اسپتال کی ساکھ کو متاثر کر رہی ہے۔ وزیراعلیٰ نے مریضوں کی حالت کا جائزہ لیا اور فوری کارروائی کا حکم دیا تھا۔

اسپتال انتظامیہ نے اندرونی انکوائری کمیٹی قائم کی جو تین روز میں رپورٹ پیش کرے گی۔ ترجمان محمد عاصم کے مطابق انکوائری کمیٹی نے اپنی رپورٹ جمع کروا دی ہے اور جلد سفارشات پیش کی جائیں گی۔