اسلام آباد: (رائیٹ ناوٴ نیوز) اسلام آباد کے شہریوں نے بدھ کو پاک فضائیہ کے جدید جنگی طیاروں کی پروازوں پر حیرت ظاہر کی، جب شہر میں ایف-16 طیارے بلند پرواز کرتے نظر آئے۔ دن بھر مختلف علاقوں میں ان کی گرج دار آوازیں سنائی دیتی رہیں، جس پر شہریوں نے سوشل میڈیا پر ویڈیوز شیئر کیں۔

پاک فضائیہ کے ذرائع کے مطابق یہ پروازیں متحدہ عرب امارات کے صدر کے سرکاری دورے کے موقع پر فلائی پاسٹ کی ریہرسل کے لیے کی گئیں۔ حکام کا کہنا ہے کہ یہ پروازیں تربیتی نوعیت کی ہیں اور عوامی سلامتی سے متعلق نہیں۔

حکام نے شہریوں کو افواہوں سے بچنے کی ہدایت کی ہے اور کہا ہے کہ یہ معمول کی مشقیں ہیں جو غیر ملکی مہمانوں کی آمد سے قبل کی جاتی ہیں تاکہ کسی تکنیکی یا انتظامی خامی سے بچا جا سکے۔