کابل: (رائیٹ ناوٴ نیوز) افغان کرکٹر راشد خان نے اپنی حفاظت کے لئے بُلٹ پروف گاڑی استعمال کرنے کا انکشاف کیا ہے، جس پر سابق انگلش کپتان کیون پیٹرسن حیران رہ گئے۔ راشد خان نے کہا کہ یہ اقدام ان کی ذاتی حفاظت کے لئے ضروری ہے۔

راشد خان نے بتایا کہ افغانستان میں سیکیورٹی خدشات کے باعث وہ کابل کی سڑکوں پر ایک عام شہری کی طرح آزادانہ نہیں چل سکتے۔ ان کی بُلٹ پروف گاڑی محض جان کے تحفظ کے لیے ضروری ہے، نہ کہ کسی عیش و آرام کے لئے۔

بین الاقوامی کرکٹ میں کامیابی کے باعث راشد خان افغانستان کی نمایاں شخصیات میں شامل ہیں، اور ان کی سیکیورٹی خدشات بھی زیادہ ہیں۔ تاہم وہ اپنے ملک کی نمائندگی پر فخر محسوس کرتے ہیں اور افغانستان کا نام روشن کرنے کے لئے پُرعزم ہیں۔