کراچی: (رائیٹ ناوٴ نیوز) سابق قومی کرکٹ ٹیم کے کپتان جاوید میانداد نے بھارتی انڈر 19 کرکٹ ٹیم پر ہاتھ نہ ملانے کے حوالے سے شدید تنقید کی ہے۔ انہوں نے کہا کہ اگر ہاتھ نہیں ملانا تھا تو کھیلنے کیوں آئے؟ ان کے مطابق بھارتی ٹیم کا رویہ نریندر مودی کی وجہ سے ہے۔

جاوید میانداد نے کہا کہ بھارت کو پاکستان کے ساتھ دو طرفہ کرکٹ کھیلنی چاہئے۔ انہوں نے سنیل گواسکر سمیت تمام سابق بھارتی کرکٹرز سے اپیل کی کہ وہ نریندر مودی کو سمجھائیں۔

مزید برآں، انہوں نے کہا کہ بھارت اور پاکستان کے درمیان میچ میں کھلاڑیوں نے بھرپور محنت کی اور جوش و جذبہ دکھایا، جو جیت کے لئے ضروری ہوتا ہے۔

انہوں نے اپنی صحت کے حوالے سے چلنے والی جھوٹی خبروں کو مسترد کرتے ہوئے کہا کہ وہ مکمل فٹ اور صحت مند ہیں اور پبلک اویرنیس کے لئے ویڈیو بنائی تھی۔