اسلام آباد: (رائیٹ ناوٴ نیوز) وفاقی حکومت نے نومبر میں 76 ہزار 752 میٹرک ٹن چینی درآمد کی ہے۔ ادارہ شماریات کے مطابق مالی سال کے پہلے پانچ ماہ میں مجموعی طور پر 3 لاکھ 8 ہزار 142 ٹن چینی درآمد کی گئی، جس کی مالیت 49 ارب 4 کروڑ 20 لاکھ روپے رہی۔ نومبر میں 12 ارب 6 کروڑ 60 لاکھ روپے کی چینی درآمد کی گئی۔

وفاقی کابینہ نے 4 جولائی کو 5 لاکھ ٹن چینی درآمد کرنے کی منظوری دی تھی، تاہم پاکستان شوگر ملز ایسوسی ایشن نے اس فیصلے کی مخالفت کی تھی۔ چینی سرکاری سطح پر ٹریڈنگ کارپوریشن آف پاکستان (ٹی سی پی) کے ذریعے درآمد کی گئی، جبکہ وفاقی حکومت نے چینی کی درآمد پر ٹیکسز سے استثنیٰ بھی دیا۔

یہ درآمدی عمل اس وقت جاری ہے جب مقامی کرشنگ سیزن چل رہا ہے، جس سے ملکی مالی بوجھ میں اضافہ ہو رہا ہے۔