کراچی: (رائیٹ ناوٴ نیوز) کراچی میں دھند کی شدت کے باعث حد نگاہ متاثر ہونے کی وجہ سے چھ بین الاقوامی پروازیں دیگر ائیرپورٹس پر منتقل کر دی گئیں۔

شہر کے مختلف علاقوں جیسے سرجانی ٹاؤن، سپر ہائی وے، سہراب گوٹھ، گلستان جوہر، آئی آئی چندریگر روڈ، کلفٹن اور ڈیفنس میں صبح کے وقت دھند چھائی رہی۔

پاکستان ائیرپورٹس اتھارٹی کے مطابق، دھند کے باعث کراچی آنے والی 6 بین الاقوامی پروازیں دیگر ائیرپورٹس پر منتقل کی گئی ہیں۔ محدود حد نگاہ میں پروازوں کی منتقلی حفاظتی اقدام ہے۔

چار غیر ملکی ہیڈلائنز کی پروازیں کراچی کے بجائے مسقط منتقل کی گئیں جبکہ نجی ایئرلائن کی پرواز جدہ سے کراچی کے بجائے اسلام آباد اور پی آئی اے کی پرواز مدینہ سے کراچی کے بجائے مسقط منتقل کی گئی۔