سڈنی: (رائیٹ ناوٴ نیوز) بگ بیش لیگ کے سیزن 15 کے ساتویں میچ میں پاکستانی بیٹر بابر اعظم نے سڈنی سکسرز کی نمائندگی کرتے ہوئے اپنی پہلی نصف سنچری مکمل کر لی۔ بابر اعظم نے 42 گیندوں پر 58 رنز بنائے جس میں 5 چوکے اور 2 چھکے شامل تھے، انہوں نے اپنی شاندار بیٹنگ سے شائقین کے دل جیت لیے۔

بابر اعظم کی اننگز نے سڈنی سکسرز کی بیٹنگ لائن کو سہارا فراہم کیا اور مخالف بولرز پر دباؤ ڈالا۔ ان کی دلکش بیٹنگ نے ٹیم کے مجموعی اسکور کو مستحکم کرنے میں اہم کردار ادا کیا۔

یہ میچ سڈنی کے تاریخی میدان میں کھیلا گیا، جہاں بابر اعظم کی پرفارمنس شائقین کے لیے خاص توجہ کا مرکز بنی۔ واضح رہے کہ بابر اعظم پہلی بار بگ بیش لیگ میں شرکت کر رہے ہیں اور ابتدائی دو میچز میں انہیں ناکامی کا سامنا کرنا پڑا تھا۔