آسام: (رائیٹ ناوٴ نیوز) آسام کے ضلع ہوجائی میں افسوسناک ٹرین حادثے میں آٹھ ہاتھی ہلاک ہو گئے جب ایک ٹرین ہاتھیوں کے جھنڈ سے ٹکرا گئی۔ حادثے کے نتیجے میں ٹرین کی پانچ بوگیاں پٹڑی سے اتر گئیں، مگر کوئی انسانی جانی نقصان نہیں ہوا۔

حادثہ رات دو بج کر پندرہ منٹ پر پیش آیا جب سائرنگ-نئی دہلی راجدھانی ایکسپریس کے سامنے اچانک ہاتھیوں کا جھنڈ آ گیا۔ ریلوے حکام کے مطابق پائلٹ نے ایمرجنسی بریک لگائی، مگر تصادم سے بچا نہیں جا سکا۔

حادثے کے بعد سینئر ریلوے افسران موقع پر پہنچ گئے اور متاثرہ بوگیوں کے مسافروں کو دیگر کوچز میں منتقل کیا گیا۔ مختصر وقفے کے بعد صبح چھ بج کر پندرہ منٹ پر ٹرین نے گوہاٹی کے لیے دوبارہ سفر شروع کیا۔

ریلوے حکام نے کہا ہے کہ گوہاٹی پہنچنے پر مسافروں کو سہولت فراہم کرنے کے لیے اضافی کوچز شامل کیے جائیں گے۔