لاہور: (رائیٹ ناوٴ نیوز) معروف یوٹیوبر سعد الرحمان المعروف ڈکی بھائی نے کہا ہے کہ جیل میں 100 دن قید رہنے کے بعد وی لاگ بنانا بھول گئے تھے۔ رہائی کے بعد انہوں نے پہلا فیملی وی لاگ جاری کیا، جس میں انہوں نے اعتراف کیا کہ وی لاگ ریکارڈ کرنے میں مشکلات پیش آئیں، حالانکہ ماضی میں وہ اس میں ماہر تھے۔

ڈکی بھائی نے بتایا کہ وی لاگ کی ریکارڈنگ کے لیے 30 منٹ تک بار بار ری ٹیک دیتے رہے اور مختلف ری ٹیکس کی ویڈیوز بھی شامل کیں۔ انہوں نے مزید کہا کہ ان کی پہچان سمجھی جانے والی بچگانہ اداکاری اب کھو گئی ہے۔

وی لاگ کے دوران ارووب نے کہا کہ وہ چاہتی تھیں کہ ڈکی بھائی زیادہ سنجیدہ ہوں اور وزن کم کریں، جو جیل جانے کے بعد ممکن ہوا۔ ڈکی بھائی نے بتایا کہ جیل جانے سے پہلے ان کا وزن 99 کلوگرام تھا، جو رہائی کے بعد 81 کلوگرام رہ گیا۔ یاد رہے کہ ڈکی بھائی جوئے کی ایپ کی تشہیر کے الزام میں گرفتار ہوئے تھے اور پھر ضمانت پر رہائی ملی۔