کیف: (رائیٹ ناوٴ نیوز) یوکرین کے صدر ولادیمیر زیلنسکی نے اعلان کیا ہے کہ ان کا ملک نیٹو کی رکنیت کی خواہش ترک کرنے کے لیے تیار ہے، بشرطیکہ مغربی ممالک یوکرین کو مضبوط اور قانونی سلامتی کی ضمانتیں دیں۔ انہوں نے صحافیوں سے گفتگو کرتے ہوئے اس پیشکش کو یوکرین کی بڑی رعایت قرار دیا۔

زیلنسکی نے کہا کہ نیٹو کی رکنیت کو ماضی میں روسی حملوں کے خلاف مضبوط دفاع سمجھا جاتا تھا، مگر امریکا اور چند یورپی ممالک اس کی حمایت نہیں کرتے۔ انہوں نے واضح کیا کہ سلامتی کی ضمانتیں عملی اور قانونی ہونی چاہئیں تاکہ روس دوبارہ حملہ نہ کر سکے۔

صدر زیلنسکی نے اس تاثر کو مسترد کیا کہ یوکرین اپنی زمین چھوڑنے پر تیار ہے، اور کہا کہ یوکرین کا مقصد پائیدار امن اور مؤثر تحفظ ہے۔ ان کے مطابق روس کی جانب سے مسلسل حملوں نے جنگ کو طول دیا ہے، جو یورپ میں دوسری جنگِ عظیم کے بعد سب سے مہلک جنگوں میں شامل ہو رہی ہے۔