اسلام آباد: (رائیٹ ناوٴ نیوز)۔ پاکستانی فنکاروں نے ایران اور امریکہ کے درمیان حالیہ جنگ بندی پر خوشی اور اطمینان کا اظہار کیا ہے۔ انہوں نے کہا کہ پاکستان نے عالمی امن کے قیام میں اہم کردار ادا کیا ہے۔

گزشتہ چند ہفتوں سے ایران اور امریکا کے درمیان جاری جنگ نے خطے اور دنیا کو تشویش میں مبتلا کر دیا تھا۔ اس دوران کئی قیمتی جانیں ضائع ہوئیں اور حالات سنگین بن گئے تھے۔

تاہم حالیہ پیش رفت میں دونوں ممالک کے درمیان سیز فائر طے پا گئی ہے۔ پاکستان نے مذاکرات میں سہولت کاری کرتے ہوئے کشیدگی کم کرنے اور امن بحال کرنے میں کلیدی کردار ادا کیا۔

پاکستان کے اس مثبت کردار کو نہ صرف ملکی بلکہ بین الاقوامی سطح پر بھی سراہا جا رہا ہے۔ فنکاروں کا کہنا ہے کہ جنگ بندی سے خطے میں امن کی امید پیدا ہوئی ہے اور دنیا تباہ کن تصادم سے بچ گئی ہے۔

واضح رہے کہ ایران اور امریکا کے درمیان کشیدگی عرصے سے جاری تھی۔ پاکستان نے اس سیز فائر میں اہم سفارتی کردار ادا کیا، جسے عالمی سطح پر سراہا جا رہا ہے۔