اسلام آباد: (رائیٹ ناوٴ نیوز)۔ پاکستان کی سفارتی کوششوں سے ایران اور امریکہ نے دو ہفتے کی جنگ بندی پر اتفاق کر لیا ہے۔

بھارتی تجزیہ کاروں نے پاکستان کی کامیاب سفارتی حکمت عملی پر تشویش کا اظہار کیا ہے۔ انہوں نے وزیراعظم شہباز شریف اور فیلڈ مارشل عاصم منیر کی تعریف کی، جبکہ وزیراعظم نریندر مودی کو تنقید کا نشانہ بنایا۔

تجزیہ کاروں نے کہا کہ ایک دہائی قبل اڑی واقعے کے بعد مودی نے پاکستان کو عالمی سطح پر تنہا کرنے کی بات کی تھی، مگر آج پاکستان سفارتی میدان میں کامیاب ہے۔

پاکستان کی ثالثی کی اہمیت اس بات میں ہے کہ ایران کے نئے سپریم لیڈر مجتبیٰ خامنہ ای نے جنگ بندی کی منظوری دے دی ہے۔ امریکی صدر نے بھی بمباری دو ہفتوں کے لیے روکنے کا اعلان کیا ہے۔

واضح رہے کہ پاکستان نے امریکہ اور ایران کے درمیان تناؤ کم کرنے کے لیے دو ہفتے کی جنگ بندی کی تجویز پیش کی تھی، جسے دونوں ممالک نے قبول کر لیا۔