لاہور: (رائیٹ ناوٴ نیوز) مریم نواز شریف نے کینسر ہسپتال کی تعمیر کو تین شفٹوں میں مکمل کرنے کی ہدایت جاری کی ہے تاکہ یہ منصوبہ جلد فعال ہو سکے۔

انہوں نے وزیر اعلیٰ پنجاب کی حیثیت سے نواز شریف انسٹیٹیوٹ آف کینسر ٹریٹمنٹ اینڈ ریسرچ کا دورہ کیا اور ہسپتال کے مختلف شعبوں کا تفصیلی جائزہ لیا۔ اس موقع پر انہوں نے ریڈیالوجی، میموگرافی سوئٹ اور سی ٹی سکین روم کا معائنہ کیا۔

مریم نواز نے ریڈیالوجی تھراپی، ٹریٹمنٹ پلاننگ روم، سیمولیٹر اور سیمینار روم کا بھی دورہ کیا اور مریضوں کے لیے جدید سیٹنگ روم اور اے ایچ یو روم کی کارکردگی کی جانچ کی۔

انہوں نے ہسپتال کے ڈین، ڈائریکٹر اور دیگر اہم آسامیوں پر بہترین پروفیشنلز کی تعیناتی کا حکم دیا اور تعمیراتی کام کو تین شفٹوں میں مکمل کرنے کی ہدایت کی۔

واضح رہے کہ مریم نواز ہسپتال کے معیار اور مریضوں کی سہولت کے لیے جدید اقدامات کرنے کا ارادہ رکھتی ہیں تاکہ ہر مریض کو بہترین علاج فراہم کیا جا سکے۔