کراچی: (رائیٹ ناوٴ نیوز) پی ایس ایل کی دفاعی چیمپئن لاہور قلندرز کے مینجر ثمین رانا نے کہا ہے کہ بال ٹیمپرنگ معاملے پر فخر زمان کا عدالت جانے کا فیصلہ ذاتی ہے۔ انہوں نے کہا کہ ہم اپنے موقف پر قائم رہنے والے کھلاڑی کے ساتھ ہیں۔

انہوں نے میڈیا سے گفتگو کرتے ہوئے کہا کہ فخر زمان کے اپیل مسترد ہونے کے بعد عدالت جانا ان کا ذاتی فیصلہ ہے۔ فیصلے کی عزت کرتے ہیں مگر کھلاڑی کے موقف پر کھڑے ہیں۔

ثمین رانا نے کہا کہ پی ایس ایل ایک بڑا برانڈ بن چکا ہے اور اس مقام تک پہنچنے کے لئے سب نے جدوجہد کی ہے۔ 2 نئی ٹیموں کے اضافے سے ٹیموں کی تعداد 8 ہوگئی ہے جو خوش آئند ہے۔

انہوں نے کہا کہ لاہور قلندرز کے کھلاڑیوں کے ناموں کی عرفیت کا مقصد ان میں جوش پیدا کرنا ہے۔ کراچی میں میچز کا ہونا خوش آئند ہے اور تماشائیوں کی غیر موجودگی کا افسوس ہے۔

واضح رہے کہ فخر زمان کے بال ٹیمپرنگ معاملے میں اپیل مسترد ہونے کے بعد انہوں نے عدالت جانے کا فیصلہ کیا ہے۔ یہ معاملہ پی ایس ایل میں خاصی توجہ کا مرکز بنا ہوا ہے۔