حیفہ: (رائیٹ ناوٴ نیوز)۔ اسرائیلی شہر حیفہ میں تازہ راکٹ حملے کیے گئے، جس کی تصدیق اسرائیلی حکام نے کی ہے۔ ان حملوں میں شمالی اسرائیل کو نشانہ بنایا گیا ہے، جہاں خاص طور پر شہر حیفہ متاثر ہوا۔

اسرائیلی طبی ذرائع کے مطابق حملوں کے نتیجے میں کم از کم 6 افراد زخمی ہوئے ہیں۔ بعض افراد شدید خوف اور ذہنی دباؤ کا شکار ہوئے۔

حکام کے مطابق ایک شخص جھٹکے کی شدت سے اڑنے والے پتھروں کی زد میں آ کر زخمی ہوا۔ املاک کو بھی نقصان پہنچا ہے۔

حیفہ اسرائیل کا اسٹریٹجک شہر ہے، جہاں بڑی آبادی مقیم ہے۔ یہ ملک کی اہم آئل ریفائنری کا مرکز بھی ہے، جو 70 فیصد پراسیس کرتی ہے۔

واضح رہے کہ اس سے قبل جاری جنگ کے دوران آئل ریفائنری کو دو مرتبہ نشانہ بنایا جا چکا ہے۔ وزارتِ صحت کے مطابق ایران کے حملے کے آغاز سے اب تک 6 ہزار 594 افراد کو اسپتال منتقل کیا گیا ہے۔