اسلام آباد: (رائیٹ ناوٴ نیوز)۔ حکومت کے سرپلس پاور پیکیج کے باعث 3 ماہ میں 2,164 گیگاواٹ بجلی استعمال ہوئی، جس سے صارفین کو 20 ارب روپے کا فائدہ ملا۔

وزارتِ توانائی کے مطابق، پیکیج نے صنعتی اور زرعی شعبوں میں بجلی کی طلب بڑھا دی ہے۔ دسمبر 2025 سے فروری 2026 تک ان شعبوں نے 2,164 گیگاواٹ بجلی استعمال کی۔

یہ مقدار فروخت ہونے والی کل بجلی کا 23 فیصد ہے، جو پیکیج کی کامیابی کا ثبوت ہے۔ صنعتی صارفین نے 19.6 ارب اور زرعی صارفین نے 1.14 ارب روپے کا فائدہ اٹھایا۔

بی تھری کیٹیگری کے صنعتی صارفین نے 8.76 ارب روپے کا فائدہ لیا۔ بی فور، بی ٹو، اور بی ون کیٹیگریز کے صارفین نے بھی خاطر خواہ فائدہ اٹھایا۔

یاد رہے کہ یہ پیکیج دسمبر 2025 میں شروع ہوا، جس کا مقصد بجلی کی کھپت کو فروغ دینا اور صارفین کو مالی ریلیف فراہم کرنا تھا۔