کراچی: (رائیٹ ناوٴ نیوز)۔ اسمارٹ فونز کی چوری کے واقعات بڑھنے کے باوجود، جدید ٹیکنالوجی کی مدد سے ان کی بازیابی ممکن ہو گئی ہے۔ اسمارٹ فونز روزمرہ زندگی کا اہم جزو بن چکے ہیں، مگر پرہجوم مقامات پر چوری کا خطرہ ہمیشہ رہتا ہے۔

ماہرین کا کہنا ہے کہ فون چوری ہونے کی صورت میں فوری طور پر ریموٹ لاک یا بلاک کریں اور سوشل میڈیا و بینکنگ کے پاس ورڈز تبدیل کریں۔ آئی ایم ای آئی نمبر کے ذریعے پولیس کو مطلع کرکے فون ٹریک کیا جا سکتا ہے۔

پولیس اور سائبر سیل فوری رپورٹنگ کے ذریعے مجرموں تک پہنچنے میں مددگار ثابت ہوتی ہیں۔ آئی ایم ای آئی نمبر بلاک کرنے سے چور فون استعمال نہیں کر سکتا، جس سے چوری کی حوصلہ شکنی ہوتی ہے۔

آئی فونز اور سیم سنگ کی جدید سیکیورٹی فیچرز جیسے ای سم اور فائنڈ مائی ڈیوائس چوری کے بعد فون کی ٹریسنگ میں مدد دیتے ہیں، بشرطیکہ یہ فیچرز پہلے سے فعال ہوں۔

واضح رہے کہ فون خریدتے وقت اس کا ڈبہ اور رسید محفوظ رکھیں، اور پبلک مقامات پر احتیاط سے استعمال کریں۔ مضبوط بائیو میٹرک لاک کا استعمال اور ڈیٹا کا کلاؤڈ بیک اپ اہم ہے۔