کراچی: (رائیٹ ناوٴ نیوز) کراچی کنگز کے کپتان ڈیوڈ وارنر نے پاکستان کے کرکٹ ٹیلنٹ کی تعریف کی۔ انہوں نے ایک انٹرویو میں کہا کہ پاکستان کے فاسٹ بولرز کی رفتار شاندار ہے۔

وارنر نے اپنے پسندیدہ پاکستانی بیٹرز کا ذکر کرتے ہوئے فخرزمان اور صائم ایوب کی تعریف کی۔ انہوں نے کہا کہ یہ دونوں کھلاڑی ان کے کھیل سے مماثلت رکھتے ہیں۔

وارنر نے کہا کہ شاہین شاہ آفریدی ایک ماہر پیسر ہیں اور حسن علی، میر حمزہ اور عباس آفریدی بھی عمدہ بولرز ہیں۔

انہوں نے مزید بتایا کہ سلمان علی آغا ان کے کھیل میں مدد کرتے ہیں اور ٹیم کے لیے بڑا ایڈوانٹیج ہیں۔

واضح رہے کہ وارنر نے کراچی کنگز کی کارکردگی کی تعریف کرتے ہوئے کہا کہ ہر ٹورنامنٹ میں ہدف فائنل تک پہنچنا ہوتا ہے۔