تہران: (رائیٹ ناوٴ نیوز) ایرانی ریال کی قدر میں 400 فیصد اضافہ دیکھنے میں آیا ہے، جس کی وجہ سرمایہ کاروں کی بڑے پیمانے پر خریداری اور ایران کی جانب سے آبنائے ہرمز سے گزرنے والے جہازوں سے بیس لاکھ ڈالر کا ٹول ٹیکس ہے۔

ایکسچینج کمپنیز ایسوسی ایشن آف پاکستان کے چیئرمین ملک بوستان نے بتایا ہے کہ جنگ سے قبل ایک کروڑ ایرانی ریال 2500 روپے میں دستیاب تھے، اب 10 ہزار روپے میں مل رہے ہیں۔ سرمایہ کاروں کو امید ہے کہ جنگ جلد ختم ہو جائے گی اور پابندیاں ہٹ جائیں گی۔

ملک بوستان کا کہنا ہے کہ ایران کا آبنائے ہرمز سے گزرنے والے جہازوں سے ٹول ٹیکس وصول کرنے کا اقدام بھی کرنسی کی مضبوطی میں معاون ثابت ہوا ہے۔ ٹول کی ادائیگی ایرانی ریال اور چینی یوآن میں کی جا رہی ہے۔

یہ پیشرفت اہمیت رکھتی ہے کیونکہ جنگ کی صورتحال میں بھی ایرانی ریال کی قدر میں اضافہ ہوا ہے، جو کہ غیر معمولی ہے۔

یاد رہے کہ امریکا اور اسرائیل کے ایران پر حملے کے بعد سے جنگ جاری ہے اور پاکستانی روپے کے مقابلے میں ایرانی ریال کی قیمت میں بڑا اضافہ ہوا ہے۔