اسلام آباد: (رائیٹ ناوٴ نیوز) وزیراعظم شہباز شریف کی زیر صدارت کفایت شعاری اقدامات اور عوامی ریلیف پر اہم اجلاس منعقد ہوا۔ اجلاس میں کم آمدنی والے طبقات کو ریلیف فراہم کرنے کے جاری اقدامات کا جائزہ لیا گیا۔

وزیراعظم نے متعلقہ وزارتوں کو ہدایت کی کہ وہ صوبوں کے ساتھ مشاورت مکمل کرکے حتمی تجاویز جلد پیش کریں۔ انہوں نے پیٹرولیم مصنوعات کی اسمگلنگ کے خلاف سخت اقدامات کی بھی ہدایت دی۔

اجلاس کو بریفنگ میں بتایا گیا کہ گزشتہ تین ہفتوں کے دوران متعدد اہم اقدامات کیے گئے ہیں۔ وزیراعظم نے ترقیاتی بجٹ میں کٹوتی جیسے فیصلوں کو بھی ضروری قرار دیا۔

وزیراعظم نے بتایا کہ کفایت شعاری کے ذریعے عام آدمی کو 129 ارب روپے کا ریلیف دیا جا چکا ہے۔ ملک میں پیٹرولیم مصنوعات کی طلب پوری کرنے کے لیے مناسب ذخائر موجود ہیں۔

واضح رہے کہ اجلاس میں وفاقی وزرا سمیت دیگر اعلیٰ حکام نے شرکت کی۔ وزیراعظم نے کہا کہ عوام کو ریلیف فراہم کرنا حکومت کی اولین ترجیح ہے۔