کراچی: (رائیٹ ناوٴ نیوز) وزیر تعلیم سندھ سید سردار علی شاہ نے اعلان کیا ہے کہ صوبے میں نیا تعلیمی سال یکم اپریل سے شروع ہوگا۔

انہوں نے بتایا کہ صوبے بھر میں اسٹیرنگ کمیٹی کے فیصلے کے تحت تعلیمی سال کا آغاز کیا جا رہا ہے۔ اس کے علاوہ ہفتے میں دو دن تعطیل کا فیصلہ بھی کیا گیا ہے۔

محکمہ تعلیم سندھ نے کفایت شعاری اقدامات کے تحت ہفتہ اور اتوار کو اسکولوں کی تعطیل کا اعلان کیا ہے۔ یہ فیصلہ حکومت کے آئندہ حکم نامہ تک جاری رہے گا۔

یہ اقدام تعلیمی اداروں کے انتظامی اخراجات میں کمی لانے کے لیے کیا گیا ہے۔ وزیر تعلیم نے اساتذہ، طلباء اور والدین کے لیے نیک خواہشات کا اظہار بھی کیا۔

واضح رہے کہ سندھ میں تعلیمی سال کے آغاز کے ساتھ ہی حکومت نے کفایت شعاری کے تحت اقدامات کیے ہیں تاکہ تعلیمی معیار میں بہتری لائی جا سکے۔