گوادر پورٹ پر خصوصی جہاز ایم وی ایچ ایم او لیڈر کی کامیاب برتھنگ ہوئی، جس نے 35 یونٹس ٹرانس شپمنٹ کارگو ہینڈل کیا۔
گوادر: (رائیٹ ناوٴ نیوز) گوادر پورٹ پر نئے جہاز ایم وی ایچ ایم او لیڈر کی کامیاب برتھنگ ہوئی ہے۔ وفاقی وزیر بحری امور محمد جنید انوار نے کہا ہے کہ گوادر بندرگاہ علاقائی کشیدگی کے دوران محفوظ بحری مرکز بن رہی ہے۔
جہاز کی برتھنگ کے دوران 35 یونٹس ٹرانس شپمنٹ کارگو کو ہینڈل کیا گیا۔ وفاقی وزیر کے مطابق، گوادر بندرگاہ محفوظ متبادل کے طور پر ابھر رہی ہے۔
عالمی شپنگ لائنز روایتی روٹس متاثر ہونے کی وجہ سے گوادر کا رخ کر رہی ہیں۔ خطے میں کشیدگی سے گوادر کی اہمیت میں اضافہ ہوا ہے۔
محمد جنید انوار نے بتایا کہ گوادر پورٹ اور فری زون میں سولہ ہزار ٹی ای یوز کنٹینرز ہینڈلنگ کی صلاحیت موجود ہے۔ یہ بندرگاہ بلیو اکانومی اور علاقائی تجارت میں کلیدی کردار ادا کرے گی۔
واضح رہے کہ گوادر پورٹ اہم تجارتی مرکز کے طور پر ترقی کر رہی ہے، جو علاقائی اور عالمی تجارت کے لیے اہم مواقع فراہم کرتی ہے۔
