کراچی: (رائیٹ ناوٴ نیوز) ملک میں سونے کی قیمت میں تاریخ کی سب سے بڑی کمی ہوئی ہے۔ آج فی تولہ سونا ساڑھے چار لاکھ روپے سے کم ہوگیا ہے۔

سونے کی فی تولہ قیمت میں 43 ہزار 600 روپے کمی ہوئی، جس کے بعد نئی قیمت 4 لاکھ 47 ہزار 762 روپے مقرر ہوئی ہے۔ 10 گرام سونے کی قیمت میں بھی 37 ہزار 380 روپے کی کمی ریکارڈ کی گئی، جس کے بعد نئی قیمت 3 لاکھ 83 ہزار 883 روپے ہوگئی ہے۔

عالمی مارکیٹ میں خام تیل کی قیمتوں میں اضافے کے باوجود، سونے کے نرخ میں 436 ڈالر کی کمی ہوئی ہے، جس کے بعد فی اونس سونا 4 ہزار 250 ڈالر کا ہوگیا ہے۔

گزشتہ ماہ کے دوران ملک میں سونا 1 لاکھ 16 ہزار 100 روپے فی تولہ سستا ہوا ہے، جو ملکی معیشت کے لیے ایک اہم تبدیلی کی نشاندہی کرتا ہے۔