واشنگٹن: (رائیٹ ناوٴ نیوز) امریکی سینیٹر الزبتھ وارن نے کہا ہے کہ کانگریس کو ایسی جنگ کے لیے مالی معاونت نہیں کرنی چاہیے جو امریکا نے اپنی مرضی سے چنی ہو۔ انہوں نے صدر ڈونلڈ ٹرمپ پر اسرائیلی وزیر اعظم بنیامین نیتن یاہو کے ساتھ مل کر مشرق وسطیٰ میں علاقائی جنگ شروع کرنے کا الزام عائد کیا۔

Pay attention to Lebanon.

Trump and Netanyahu started a regional war in the Middle East, creating a humanitarian disaster.

And now, the Israeli army has killed over 1,000 people in Lebanon—about 20% of them are kids.

Congress should not bankroll this escalating war of choice.

— Elizabeth Warren (@SenWarren) March 21, 2026

ڈیموکریٹ سینیٹر وارن نے سوشل میڈیا پلیٹ فارم ایکس پر بیان میں کہا کہ ٹرمپ اور نیتن یاہو نے خطے میں ایسی جنگ چھیڑی ہے جس سے انسانی بحران پیدا ہو رہا ہے اور بڑی تعداد میں شہری ہلاکتیں ہو رہی ہیں۔ الزبتھ وارن نے کہا کہ اسرائیلی فوج لبنان میں 1,000 سے زیادہ افراد کو ہلاک کر چکی ہے، جن میں قریب 20 فیصد بچے شامل ہیں۔

امریکی سینیٹر نے زور دیا کہ کانگریس کو اس بڑھتی ہوئی جنگی صورتحال کے لیے مالی وسائل فراہم نہیں کرنے چاہییں۔ ان کے مطابق یہ ایک ایسی جنگ ہے جسے بڑھانے کے بجائے روکنے کی ضرورت ہے۔

واضح رہے کہ مشرق وسطیٰ میں حالیہ کشیدگی کے باعث امریکا میں بھی سیاسی اختلافات شدت اختیار کر گئے ہیں۔ اپوزیشن رہنما جنگی اخراجات، انسانی بحران اور شہری ہلاکتوں کے معاملے پر ٹرمپ انتظامیہ کو تنقید کا نشانہ بنا رہے ہیں۔