تہران: (رائیٹ ناوٴ نیوز) ایرانی صدر مسعود پزشکیان نے کہا ہے کہ ایران کے اپنے پڑوسی ممالک کے ساتھ کوئی اختلافات نہیں ہیں اور علاقائی اختلافات سے صرف اسرائیل فائدہ اٹھاتا ہے۔ انہوں نے بیان میں کہا کہ اسرائیل، امریکا یا ان کے اتحادیوں کے جارحانہ اقدامات خطے کی صورتحال کو مزید بگاڑ سکتے ہیں۔

پزشکیان نے خلیجی خطے میں گیس تنصیبات پر حملے کے بعد کشیدگی کے خدشات ظاہر کیے ہیں اور خطے میں تحمل اور ذمہ دارانہ رویے کی ضرورت پر زور دیا ہے۔

دوسری جانب ایرانی سرکاری میڈیا کے مطابق وزیر انٹیلی جنس اسماعیل الخطیب اور پاسداران انقلاب کے ترجمان علی محمد نائینی کی نماز جنازہ قم میں ادا کی گئی۔ رپورٹس کے مطابق یہ افراد اسرائیلی حملے میں ہلاک ہوئے تھے۔

یاد رہے کہ ایران اور اسرائیل کے درمیان حالیہ جنگ میں کئی اعلیٰ ایرانی شخصیات ہلاک ہو چکی ہیں۔