نطنز: (رائیٹ ناوٴ نیوز) ایران کے مرکزی جوہری مرکز نطنز پر امریکی فضائی حملہ کیا گیا ہے جبکہ اسرائیل نے اس حملے میں ملوث ہونے کی تردید کی ہے۔ ایرانی خبر رساں ایجنسی کے مطابق یہ حملہ صبح کے وقت کیا گیا جس میں ممکنہ طور پر بنکر بسٹر بم استعمال کیے گئے۔ ایرانی حکام نے اس کارروائی کو بین الاقوامی قوانین اور جوہری عدم پھیلاؤ معاہدے کی خلاف ورزی قرار دیا ہے۔

ایرانی حکام کا کہنا ہے کہ حملے کے باوجود تابکار مواد کا اخراج نہیں ہوا اور اردگرد کے علاقوں کو کوئی خطرہ نہیں ہے۔ ماضی میں بھی نطنز پر حملے کیے جا چکے ہیں لیکن تابکاری کا کوئی ریکارڈ نہیں ملا۔

امریکی حملوں کا ذکر کرتے ہوئے بتایا گیا کہ گذشتہ سال جون میں بھی امریکا نے ایران کی تین جوہری تنصیبات کو نشانہ بنایا تھا۔ اسرائیل نے موجودہ حملے میں ملوث ہونے کی تردید کی ہے اور کہا ہے کہ یہ کارروائی امریکا نے کی ہے۔

نطنز جوہری مرکز تہران سے تقریباً 220 کلومیٹر جنوب مشرق میں واقع ہے اور ایران کا سب سے اہم جوہری مرکز سمجھا جاتا ہے۔