چین کے وانگ نے 8 سال بعد حلق میں پھنسی چوپ اسٹک نکالنے کا فیصلہ کیا، ڈاکٹروں نے کامیاب سرجری کی۔
چین: (رائیٹ ناوٴ نیوز) چین کے صوبے لیاؤننگ کے رہائشی وانگ نے 8 سال بعد اپنے حلق میں پھنسی ہوئی 12 سینٹی میٹر لمبی چوپ اسٹک کو نکالنے کا فیصلہ کیا۔ یہ چوپ اسٹک حادثاتی طور پر کھانے کے دوران اس کے حلق میں جا پھنسی تھی۔ وانگ کو ابتدائی تکلیف کے باوجود سانس لینے میں کوئی مسئلہ نہیں ہوا تھا، مگر ڈاکٹروں کے مشورے کے باوجود آپریشن سے خوفزدہ ہونے کی وجہ سے اس نے چوپ اسٹک کو نہ نکالنے کا فیصلہ کیا۔
وانگ نے حالیہ مہینوں میں صبح کے وقت تکلیف بڑھنے کے بعد دوبارہ اسپتال جانے کا فیصلہ کیا۔ ڈاکٹروں نے معائنہ کے دوران ایک دھاتی چوپ اسٹک کو حلق میں پھنسا ہوا پایا، مگر خوش قسمتی سے حلق کی جھلی کو نقصان نہیں پہنچا تھا۔ سرجری کے ذریعے منہ کے راستے چوپ اسٹک کو نکال لیا گیا اور وانگ اب تیزی سے صحتیاب ہو رہا ہے۔
