تہران: (رائیٹ ناوٴ نیوز) اسرائیل کے ایران کی پارس گیس فیلڈ پر حملے کے بعد خلیجی خطے میں کشیدگی بڑھ گئی ہے۔ امریکی صدر ڈونلڈ ٹرمپ نے واضح کیا ہے کہ امریکہ کو اس حملے کا پیشگی علم نہیں تھا۔ انہوں نے کہا کہ اگر ایران جوابی حملے نہیں کرتا تو اسرائیل مزید حملے نہیں کرے گا۔

اس حملے کے نتیجے میں عالمی منڈی میں تیل کی قیمتیں بڑھ گئی ہیں جبکہ ایران نے قطر اور سعودی عرب پر میزائل حملے بھی کیے ہیں۔ قطر انرجی کے مطابق راس لفن انڈسٹریل سٹی میں نقصان ہوا ہے۔

سعودی عرب کے مطابق ریاض کی جانب داغے گئے میزائل تباہ کر دیے گئے ہیں جبکہ مشرقی علاقے میں گیس تنصیبات کو ڈرون حملے سے بچا لیا گیا ہے۔ امریکی صدر کے مطابق یہ حملے خطے میں خطرناک اضافہ ہیں اور ایران کی جانب سے مزید حملے جاری رہنے کی صورت میں امریکہ اپنا ردعمل دے سکتا ہے۔