دوحہ: (رائیٹ ناوٴ نیوز) قطر نے ایران کے سفارت خانے میں تعینات ملٹری سیکیورٹی افسران کو ناپسندیدہ شخصیت قرار دیتے ہوئے 24 گھنٹوں میں ملک چھوڑنے کا حکم دیا ہے۔ یہ اقدام ایران کی بار بار ہونے والی کارروائیوں کے بعد لیا گیا ہے۔

سفارتی ماہرین کے مطابق اس فیصلے سے دونوں ممالک کے تعلقات میں مزید کشیدگی پیدا ہو سکتی ہے۔ قطری حکومت نے امریکی حکام سے رابطہ کر کے اسرائیلی حملے کی پیشگی اطلاع کے بارے میں وضاحت طلب کی ہے۔

قطری وزارت داخلہ نے راس لفان انڈسٹریل سٹی میں آگ بجھانے کے عمل کے مکمل ہونے کی تصدیق کی ہے۔ حکام کے مطابق قریبی بحری جہاز کو پروجیکٹائل سے نشانہ بنایا گیا تھا لیکن اب صورتحال کنٹرول میں ہے۔

تازہ ترین پیش رفت کے بعد خطے میں سیکیورٹی خدشات اور سفارتی تناؤ میں اضافہ ہو رہا ہے۔