اسلام آباد: (رائیٹ ناوٴ نیوز) اسلام آباد ہائی کورٹ میں موٹر سائیکلز پر ایم ٹیگ لگانے کے خلاف دائر درخواست پر سماعت ہوئی، جس میں عدالت نے انتظامیہ کو طلبہ کو ریلیف دینے اور انہیں ہراساں نہ کرنے کی ہدایت کی۔

چیف جسٹس سرفراز ڈوگر نے سماعت کے دوران اسٹیٹ کونسل سے مکالمہ کیا اور پوچھا کہ موٹر سائیکلز پر ایم ٹیگ کیوں لگایا جا رہا ہے۔ اسٹیٹ کونسل عبد الرحمن نے بتایا کہ کچہری دھماکے کے بعد سیکیورٹی مسائل کی وجہ سے یہ اقدام اٹھایا گیا، جس میں موٹر سائیکل استعمال ہوئی تھی۔

عدالت نے کہا کہ عوام کی حفاظت ضروری ہے، لیکن طلبہ کو اس معاملے میں ریلیف دیا جائے۔ عدالت نے انتظامیہ کا جواب جمع کروانے کا حکم دیتے ہوئے سماعت 6 اپریل تک ملتوی کر دی۔