اسلام آباد: (رائیٹ ناوٴ نیوز) پاکستان نے علاقائی سکیورٹی صورتحال کے پیش نظر اپنے آئل ٹینکرز کی آبنائے ہرمز سے محفوظ گزرگاہ کے لیے ایران سے رابطہ کیا ہے۔ سینئر حکام نے تصدیق کی ہے کہ پاکستان کے آئل ٹینکرز کو اس اہم سمندری راستے سے گزرنے کی اجازت حاصل کرنے کے لیے مذاکرات جاری ہیں۔

حکام کا کہنا ہے کہ اگر ایران کے ساتھ مفاہمت طے پا جاتی ہے تو پاکستان کے آئل ٹینکرز آبنائے ہرمز سے گزر سکیں گے۔ ذرائع کے مطابق دو پاکستانی جہاز اجازت ملتے ہی روانگی کے لیے تیار ہیں۔

آبنائے ہرمز دنیا کے اہم ترین سمندری راستوں میں شمار ہوتی ہے، جو خلیج فارس کو خلیج عمان اور دیگر عالمی سمندری راستوں سے ملاتی ہے۔

حکام نے یہ بھی بتایا کہ بھارت نے بھی اپنے جہازوں کی گزرگاہ کے لیے ایران سے رابطہ کیا تھا، جس کے بعد بھارتی ایل این جی کارگو جہازوں کو اجازت مل گئی۔

اس پیش رفت سے ظاہر ہوتا ہے کہ خطے میں بدلتی سکیورٹی صورتحال کے باعث توانائی کی ترسیل اور سمندری راستوں کے حوالے سے ممالک کو چیلنجز کا سامنا ہے۔