اسلام آباد: (رائیٹ ناوٴ نیوز) وفاقی حکومت نے کم آمدن افراد کے لیے 23 ارب روپے کی سبسڈی دینے کا اعلان کیا ہے۔ یہ سبسڈی موٹر سائیکل اور رکشہ مالکان کو فراہم کی جائے گی، جن کی تعداد 30 ملین ہے۔

سینیٹ کی قائمہ کمیٹی برائے پیٹرولیم کے اجلاس میں سیکرٹری پیٹرولیم نے بتایا کہ بچت کی گئی رقم کو سبسڈی کے طور پر استعمال کیا جائے گا۔ سبسڈی کا اطلاق بے نظیر انکم سپورٹ پروگرام کے ڈیٹا کے مطابق مستحقین پر ہوگا۔ اوگرا اور پیٹرولیم ڈویژن نے سبسڈی کے حوالے سے کام شروع کردیا ہے۔

اجلاس میں بتایا گیا کہ عالمی قیمتوں میں اضافے کے باوجود پیٹرولیم مصنوعات کی دستیابی ملک بھر میں موجود ہے۔ نیز، مشرق وسطیٰ میں کشیدگی کے باعث پیٹرولیم سپلائی متاثر ہوئی ہے اور یورو5 معیار سے کم کوالٹی کے تیل کی درآمد کی اجازت دی گئی ہے۔

سیکرٹری پیٹرولیم نے مزید کہا کہ پیٹرول کی قیمتوں کی ہفتہ وار تعین کی جائے گی اور روس سے بھی تیل کی خریداری کی کوشش کی جا رہی ہے۔