بحرین اور سعودی عرب کی گراں پری ریسیں جنگی صورتحال کے باعث منسوخ کر دی گئی ہیں۔
لندن: (رائیٹ ناوٴ نیوز)
فارمولا 1 انتظامیہ اور عالمی موٹر اسپورٹس کے ادارے فیڈریشن انٹرنیشنل ڈی لآٹوموبائل نے اعلان کیا ہے کہ بحرین اور سعودی عرب میں اپریل میں ہونے والی گراں پری ریسیں جنگی صورتحال کے باعث منسوخ کر دی گئی ہیں۔
منتظمین کے بیان میں کہا گیا ہے کہ خطے میں جاری کشیدگی اور سیکیورٹی خدشات کے پیش نظر دونوں مقابلے کیلنڈر سے ہٹا دیے گئے ہیں۔ اپریل کے شیڈول کے لیے متبادل ریسوں پر غور کیا گیا، تاہم کوئی متبادل مقابلہ شامل نہ کرنے کا فیصلہ کیا گیا ہے۔
The Bahrain and Saudi Arabian Grands Prix will not take place in April
Due to the ongoing situation in the Middle East the Grands Prix, alongside F2, F3, and F1 Academy rounds, will not take place as scheduled
While alternatives were considered, no substitutions will be made in… pic.twitter.com/wsgXUR2FKn
— Formula 1 (@F1) March 14, 2026
رپورٹس کے مطابق بحرین گراں پری 12 اپریل جبکہ سعودی عرب گراں پری 19 اپریل کو ہونا تھی۔ دونوں ریسوں کی منسوخی سے فارمولا 1 کیلنڈر میں اپریل کا شیڈول خالی رہ جائے گا۔
بحرین اور سعودی عرب کی گراں پری حالیہ برسوں میں فارمولا 1 کے مشرق وسطیٰ مرحلے کا اہم حصہ بن چکی ہیں اور ہر سال بڑی تعداد میں شائقین ان مقابلوں کو دیکھنے آتے ہیں۔
