ڈھاکہ: (رائیٹ ناوٴ نیوز) پاکستانی کرکٹر سلمان علی آغا کے خلاف ضابطہ اخلاق کی خلاف ورزی پر انٹرنیشنل کرکٹ کونسل (آئی سی سی) نے کارروائی کی ہے۔ یہ کارروائی بنگلا دیش کے خلاف دوسرے ون ڈے میچ کے دوران واقعے پر کی گئی۔

آئی سی سی کے مطابق، سلمان علی آغا نے ضابطہ اخلاق کے آرٹیکل 2.2 کی خلاف ورزی کی۔ آؤٹ ہونے کے بعد انہوں نے بیٹنگ گلوز اور ہیلمٹ غصے میں زمین پر پھینک دیے، جس پر ان کے خلاف کارروائی کی گئی۔

انٹرنیشنل کرکٹ کونسل نے سلمان علی آغا کو ایک ڈی میرٹ پوائنٹ بھی دیا ہے، جو ان کے ریکارڈ میں شامل ہوگا۔ یہ کارروائی آئی سی سی کی جانب سے کھلاڑیوں کے کھیل کے دوران نظم و ضبط کو بہتر بنانے کی کوششوں کا حصہ ہے۔