چین: (رائیٹ ناوٴ نیوز) چین میں ایک روبوٹ نے بجلی کی ہائی ٹینشن لائن کی مرمت کرکے سب کو حیران کر دیا ہے۔ یہ الیکٹریشن روبوٹ ہوبی الیکٹرک پاور ریسرچ انسٹی ٹیوٹ اور ووہان اسٹیٹ گرڈ کے تعاون سے تیار کیا گیا ہے۔

یہ روبوٹ پریسائز لیزر کٹنگ ٹیکنالوجی کا استعمال کرتے ہوئے ذیلی تاروں کو مرکزی تار سے جوڑنے اور کنکشن کو درست طریقے سے لگانے میں ماہر ہے۔ ووہان اسٹیٹ گرڈ کے ٹیکنیشن وو ژین نے کہا کہ یہ روبوٹ پیچیدہ وائرنگ ماحول میں بھی کام کرسکتا ہے۔

یہ روبوٹ لوگوں کو بجلی کے کرنٹ لگنے کے خطرے کو مکمل طور پر ختم کر دیتا ہے۔ یہ تجربہ ہوبئی کی کاؤنٹی چونگ شین میں کیا گیا تاکہ مشکل اور خطرناک ماحول میں بجلی سے متعلق کام کرنے والے افراد کی حفاظت کو یقینی بنایا جا سکے۔