دبئی: (رائیٹ ناوٴ نیوز) دبئی کی حکومت نے سرکاری ملازمین کے لیے عیدالفطر کی چار روزہ تعطیلات کا اعلان کیا ہے جو 19 مارچ سے شروع ہوں گی۔

حکومت کے ہیومن ریسورسز ڈپارٹمنٹ کی جانب سے جاری سرکلر کے مطابق 19 مارچ بروز جمعرات سے 22 مارچ تک سرکاری چھٹیاں ہوں گی جبکہ 23 مارچ کو باقاعدہ کام کا آغاز ہوگا۔

وفاقی اتھارٹی نے اس کی تصدیق کی کہ تمام وفاقی وزارتیں، ادارے اور سرکاری اداروں میں یہ چھٹیاں لاگو ہوں گی۔

نجی شعبے کے ملازمین کے لیے 19 سے 21 مارچ تک تین روزہ چھٹیاں ہوں گی، رمضان کے 30 یوم ہونے کی صورت میں چھٹیوں کا دورانیہ 22 مارچ تک بڑھ سکتا ہے۔