تل ابیب: (رائیٹ ناوٴ نیوز) اسرائیلی وزیراعظم نیتن یاہو نے کہا ہے کہ ایران کے رہنماؤں، بشمول مجتبیٰ خامنہ ای، کی لائف انشورنس نہیں دی جائے گی۔ انہوں نے ایران کیخلاف جنگ کے بعد پہلی پریس کانفرنس میں کہا کہ ایران اب پہلے جیسا نہیں رہا اور ان کے سکیورٹی اداروں کو شدید دھچکا پہنچا ہے۔

نیتن یاہو نے کہا کہ اسرائیل کا مقصد ایران کو جوہری اور بیلسٹک منصوبوں کو زیرِ زمین منتقل کرنے سے روکنا ہے۔ ان کے مطابق مجتبیٰ خامنہ ای عوام میں نہیں آ سکتے اور وہ پاسداران انقلاب کے زیر اثر ہیں۔

انہوں نے مزید کہا کہ اسرائیل ایران میں نظام کی تبدیلی کیلئے حالات پیدا کر سکتا ہے، لیکن حتمی فیصلہ ایرانی عوام کے ہاتھ میں ہے۔ انہوں نے ذکر کیا کہ وہ ہر روز ڈونلڈ ٹرمپ سے بات کرتے ہیں۔