واشنگٹن: (رائیٹ ناوٴ نیوز) امریکہ کے صدر ڈونلڈ ٹرمپ نے کہا ہے کہ عالمی منڈی میں تیل کی قیمتیں بڑھنے سے امریکہ کو مالی فائدہ ہوتا ہے کیونکہ امریکہ دنیا میں تیل پیدا کرنے والا سب سے بڑا ملک ہے۔ ٹرمپ نے سماجی رابطے کے پلیٹ فارم ٹروتھ سوشل پر کہا کہ جب تیل کی قیمتیں بڑھتی ہیں تو امریکہ کو زیادہ آمدنی حاصل ہوتی ہے۔

ٹرمپ نے مزید کہا کہ اس سے بھی زیادہ اہم مسئلہ ایران کو جوہری ہتھیار حاصل کرنے سے روکنا ہے۔ انہوں نے کہا کہ ایران کو جوہری صلاحیت حاصل ہونے سے مشرق وسطیٰ اور عالمی امن کو خطرات لاحق ہو سکتے ہیں۔

انہوں نے کہا کہ ایران کو جوہری ہتھیار بنانے سے روکنا امریکہ اور اس کے اتحادیوں کی ترجیح ہے۔ عالمی منڈی میں تیل کی قیمتوں میں اتار چڑھاؤ امریکہ اور ایران کے درمیان کشیدگی کی وجہ سے ہو رہا ہے۔