بیروت: (رائیٹ ناوٴ نیوز) عالمی ادارہ صحت کے سربراہ ٹیڈروس ادھانوم گیبریئس نے کہا ہے کہ لبنان میں جاری کشیدگی کے باعث 49 بنیادی صحت مراکز اور 5 اسپتال بند ہو گئے ہیں۔ یہ مراکز انخلا کے احکامات کے بعد بند کیے گئے، جس سے طبی سہولیات تک رسائی شدید متاثر ہو رہی ہے۔

More than ten days into the recent escalation of conflict in the Middle East, health systems are under immense strain. Reports indicate over 1,300 deaths and 9,000 injuries in Iran, at least 570 deaths and over 1,400 injuries in Lebanon, and 15 deaths with 2,142 injuries in… pic.twitter.com/sBwcy86clg

— Tedros Adhanom Ghebreyesus (@DrTedros) March 11, 2026

انہوں نے سوشل میڈیا پر بیان دیتے ہوئے کہا کہ خطے میں جاری حالیہ کشیدگی کے 10 دن سے زائد گزرنے کے بعد صحت کے نظام پر شدید دباؤ ہے اور طبی سہولیات کی فراہمی متاثر ہونے سے انسانی بحران میں اضافہ ہو سکتا ہے۔

عالمی ادارہ صحت کے مطابق 28 فروری کے بعد صحت کے مراکز پر حملوں کی تصدیق کی گئی ہے، جس میں ایران میں 18، لبنان میں 25 اور اسرائیل میں 2 حملے شامل ہیں۔

ٹیڈروس ادھانوم نے مزید بتایا کہ خطے میں 100,000 سے زائد افراد ایران میں اور 700,000 تک لبنان میں بے گھر ہو چکے ہیں، جس سے صاف پانی، صفائی اور طبی سہولیات تک رسائی کے حوالے سے خدشات بڑھ گئے ہیں۔

واضح رہے کہ مشرق وسطیٰ میں جاری حالیہ جنگی صورتحال کے باعث شہری آبادی، بنیادی ڈھانچے اور طبی نظام پر دباؤ میں مسلسل اضافہ ہو رہا ہے۔