ٹورنٹو: (رائیٹ ناوٴ نیوز) مصروف دن کے باوجود جسمانی فٹنس کے لیے دو منٹ کی ورزش کو معمول بنا سکتے ہیں۔ ٹورنٹو یونیورسٹی کی تحقیق کے مطابق، دن میں 2 منٹ کی سیڑھیاں چڑھنے کی سرگرمی دل اور نظام تنفس کے لیے مفید ثابت ہوسکتی ہے۔

تحقیق میں 20 سے 30 سال کی عمر کے 12 افراد شامل تھے جو زیادہ وقت بیٹھ کر گزارتے تھے۔ انہیں ہر 30 منٹ بعد 2 منٹ تک چہل قدمی یا سیڑھیاں چڑھنے کی ہدایت کی گئی۔ نتائج میں پتہ چلا کہ اس عادت سے جسمانی فٹنس میں بہتری آئی اور مسلز کی مرمت بہتر ہوئی۔

مزید برآں، 2019 کی ایک تحقیق نے بھی اسی طرح کے مثبت نتائج دیکھے جہاں شرکاء کو دن میں 3 بار 3 منزلوں تک سیڑھیاں چڑھنے کا کہا گیا اور 6 ہفتوں بعد ان کی ایروبک فٹنس میں اضافہ دیکھا گیا۔

محققین کا کہنا ہے کہ روزانہ کی جسمانی سرگرمیاں بیٹھنے کے منفی اثرات کو کم کرنے میں مددگار ثابت ہوسکتی ہیں۔