کراچی: (رائیٹ ناوٴ نیوز) قرآن مجید کے مطابق ایک روزے کا فدیہ ایک مسکین کا دو وقت کا کھانا مقرر کیا گیا ہے، جو روزے دار اپنی مالی حیثیت کے مطابق ادا کر سکتا ہے۔

اللہ تعالیٰ نے فرمایا کہ جو شخص فدیے کی مقررہ مقدار سے زیادہ خوش دلی کے ساتھ ادا کرے، وہ اس کے لیے بہتر ہے (سورۃ البقرہ:184)۔ فدیہ اور فطرے کی مقدار برابر ہے، لہذا دو کلو گندم یا چار کلو جو، کھجور، کشمش یا پنیر کی قیمت فدیے اور فطرے کے طور پر ادا کی جا سکتی ہے۔

ہمارے ہاں دو کلو گندم یا اس کی مساوی قیمت فطرے اور فدیے کی کم از کم مقدار سمجھی جاتی ہے۔ روزے دار کو اپنی مالی استطاعت کے مطابق فدیہ ادا کرنا چاہیے۔