ماسکو: (رائیٹ ناوٴ نیوز) روس نے 12 سال بعد ونٹر پیرا اولمپکس میں پہلی بار میڈلز جیت لیے ہیں۔ وارفارا وورنچکھینا اور الیکسے بگائووف نے اٹلی میں خواتین اور مردوں کے ڈاؤن ہل اسٹینڈنگ مقابلوں میں کانسی کے تمغے حاصل کیے۔

23 سالہ وورنچکھینا، جو دو بار پیرا-الپائن اسکیئنگ کی عالمی چیمپئن رہ چکی ہیں، نے اپنے پہلے پیرا اولمپکس ایونٹ میں روس کی نمائندگی کی، کیونکہ گزشتہ کئی سالوں سے روسی کھلاڑیوں پر پابندی عائد تھی۔

بگائووف نے بھی خوشی کا اظہار کیا کہ وہ دوبارہ اپنے ملک کی نمائندگی کر سکتے ہیں۔ انہیں خوشی ہے کہ اب کوئی پابندی نہیں ہے اور وہ معمول کے مطابق مقابلے کر سکتے ہیں۔

روس کے پیرا اولمپک کھلاڑیوں کو جنوری 2026ء میں مقابلے کیلئے کلیئر کیا گیا، جب ماسکو نے انٹرنیشنل سکی اینڈ سنوبورڈ فیڈریشن کے خلاف کورٹ آف آر بیٹریشن فار سپورٹس میں اپیل جیت لی۔

میلان میں پیرا اولمپکس جاری ہیں اور 15 مارچ تک جاری رہیں گی، روسی پیرا اولمپین اتوار کو اسنو بورڈنگ میں حصہ لیں گے۔