تہران: (رائیٹ ناوٴ نیوز) ایران نے امریکی اور اسرائیلی بمباری کے باعث تاریخی مقامات کو نقصان پہنچنے پر یونیسکو کو باضابطہ شکایت کی ہے۔ وزارت ثقافتی ورثہ، سیاحت و دستکاری کے خط میں گلستان پیلس اور تہران کے گرینڈ بازار کے متاثر ہونے کی اطلاع دی گئی ہے۔

1/4#Iran has formally notified UNESCO Director-General of serious damage to the UNESCO-listed Golestan Palace and parts of Tehran’s Grand Bazaar following unlawful military attacks by the United States and the Israeli regime. pic.twitter.com/I6cmPqtGZD

— Government of the Islamic Republic of Iran (@Iran_GOV) March 3, 2026

ایرانی حکام کے مطابق، دھماکوں سے گلستان پیلس کے بعض حصوں کو ساختی اور آرائشی نقصان پہنچا، جو 2013 میں عالمی ثقافتی ورثہ کی فہرست میں شامل کیا گیا تھا۔

خط میں کہا گیا ہے کہ گرینڈ بازار تہران، جو تاریخی شہری ڈھانچے کا حصہ ہے، بھی متاثر ہوا۔ ایران نے مؤقف اختیار کیا کہ یہ کارروائیاں عالمی ثقافتی ورثے کے تحفظ سے متعلق بین الاقوامی معاہدوں کی خلاف ورزی ہیں۔

ایران نے یونیسکو سے مطالبہ کیا کہ وہ واقعے کی مذمت کرے اور ماہرین کا آزاد مشن بھیجے۔ تہران نے ہنگامی تکنیکی معاونت اور تحفظاتی اقدامات کے لیے تعاون کی درخواست بھی کی ہے۔

واضح رہے کہ گلستان پیلس 16ویں صدی سے ایرانی تاریخ کا اہم مرکز رہا ہے اور قاجار دور میں شاہی رہائش گاہ کے طور پر استعمال ہوتا تھا۔