مقبوضہ بیت المقدس: (رائیٹ ناوٴ نیوز) ایران نے مشرق وسطیٰ کے متعدد امریکی فوجی اڈوں اور اسرائیلی شہروں پر میزائل حملے کیے۔ ان حملوں میں سعودی عرب میں امریکی سفارتخانے پر ڈرون ٹکرانے کے بعد آگ بھڑک اٹھی۔

ایران نے بحرین، عراق، امارات اور کویت میں امریکی اڈوں کو نشانہ بنایا۔ اسرائیلی شہروں تل ابیب، حیفا اور مشرقی بیت المقدس پر بھی میزائل داغے گئے۔ ایران نے اسرائیلی وزیراعظم کے دفتر اور فضائیہ کے ہیڈ کوارٹر پر خیبر میزائل استعمال کیے۔

آسٹریلوی وزارت دفاع نے تصدیق کی کہ دبئی میں امریکی فوجی اجتماع پر حملہ ہوا، جبکہ تمام آسٹریلوی اہلکار محفوظ ہیں۔

واشنگٹن ڈی سی میں قائم انسانی حقوق تنظیم کے مطابق امریکی اور اسرائیلی حملوں کے بعد ایران میں 742 افراد جاں بحق ہوئے۔ امریکی سینٹرل کمانڈ نے 6 امریکی فوجیوں کی ہلاکت کی تصدیق کی۔

اسرائیلی فوج نے لبنان کے 59 علاقوں کے رہائشیوں کو فوری خالی کرنے کا انتباہ دیا۔ سعودی وزارت دفاع کے مطابق ریاض میں امریکی سفارتخانے پر ڈرون ٹکرانے سے عمارت کو جزوی نقصان پہنچا۔