واشنگٹن: (رائیٹ ناوٴ نیوز) امریکی وزیر دفاع پیٹ ہیگستھ نے کہا ہے کہ اگرچہ اس وقت ایران میں امریکی زمینی افواج موجود نہیں ہیں، لیکن مستقبل میں ان کی تعیناتی کو خارج از امکان قرار نہیں دیا جا سکتا۔ یہ بیان انہوں نے میڈیا سے گفتگو کے دوران دیا۔

پیٹ ہیگستھ نے کہا کہ امریکا اپنے مفادات کے تحفظ کے لیے جہاں تک جانا پڑا جائے گا، تاہم غیر دانشمندانہ قدم نہیں اٹھایا جائے گا۔ ان کے مطابق فیصلے حالات کے مطابق کیے جائیں گے۔

انہوں نے ممکنہ فوجی آپشنز کو عوامی سطح پر بیان کرنے کی منطق پر بھی سوال اٹھایا۔ ان کا کہنا تھا کہ کسی حریف کو یہ بتانا مناسب نہیں کہ امریکا اپنے اہداف کے حصول کے لیے کیا اقدامات کر سکتا ہے۔

واضح رہے کہ ایران اور امریکا کے درمیان حالیہ کشیدگی کے تناظر میں خطے میں فوجی سرگرمیوں اور بیانات میں اضافہ دیکھا جا رہا ہے، جس کے باعث سفارتی اور دفاعی سطح پر صورتحال زیر بحث ہے۔