سنندج: (رائیٹ ناوٴ نیوز) ایرانی شہر سنندج پر میزائل حملے میں کم از کم دو افراد جاں بحق ہو گئے ہیں۔ مبینہ طور پر دشمن نے شہر پر میزائل داغے، جس کی وجہ سے پولیس اسٹیشن کے قریب رہائشی عمارتیں تباہ ہو گئیں۔

تسنیم نیوز کے مطابق، امریکی اور اسرائیلی افواج نے شہر کے مختلف حصوں پر چھ میزائل داغے، جن میں گنجان آباد علاقے بھی شامل ہیں۔ آن لائن جاری وائرل ویڈیو فوٹیج میں حملے کے دوران آگ کے شعلے اور دھوئیں کے بادل نمایاں ہیں۔

دوسری جانب متحدہ عرب امارات نے ایران کے ساتھ سفارتی تعلقات معطل کرتے ہوئے تہران میں اپنا سفارتخانہ بند کر دیا ہے اور اپنے سفیر کو واپس بلا لیا ہے۔ یہ اقدام ایران کے مبینہ حملوں کے بعد کیا گیا، جن میں یو اے ای میں تین افراد جاں بحق اور متعدد زخمی ہوئے ہیں۔