تہران: (رائیٹ ناوٴ نیوز) ایران میں امریکی اور اسرائیلی حملوں کے باعث شہری ہلاکتوں پر خدشات بڑھ گئے ہیں۔

سانندج میں بڑے دھماکوں کی ویڈیوز منظر عام پر آئی ہیں، جبکہ بوشہر اور ایران کے جنوبی حصے میں بھی حملے جاری ہیں۔ دارالحکومت تہران میں بھی رات بھر بڑے دھماکوں کی آوازیں سنی گئیں، جن سے ظاہر ہوتا ہے کہ حملے جاری ہیں۔

یہ حملے صرف فوجی مراکز یا سیاسی مقامات تک محدود نہیں رہے۔ شہر بھر میں رہائشی علاقوں کو بھی نشانہ بنایا گیا، جن میں تہران کے نیلوفر چوک میں کم از کم 20 افراد کی ہلاکت ہوئی۔

میناب سے بھی تباہ کن مناظر سامنے آئے ہیں جہاں ایک گرلز اسکول کو نشانہ بنایا گیا، جس میں 160 سے زائد طالبات جان سے گئیں۔ دیگر مقامات پر بھی شہری ہلاکتوں کی تعداد میں اضافہ ہو رہا ہے۔